【港式奶茶尋茶記（上）—「錫蘭紅茶」故鄉篇】

識飲港式奶茶，緊係要飲錫蘭紅茶茶底喇，但大家又知唔知錫蘭紅茶茶葉係咪來自「錫蘭」呢？今集就同大家一齊搭上香記航班🛫，飛去錫蘭紅茶茶葉故鄉！

落機啦！唔係錫蘭，而係斯里蘭卡。錫蘭其實係舊稱，因為當時出產嘅錫蘭紅茶茶葉嘅色、香、味都係一等一👍，「錫蘭紅茶」就一直享譽盛名👑。茶葉更有7大產區，每區出產嘅茶葉就好似 MBTI 咁有自己嘅風味個性，包括：

高海拔產區 (≥1,200 m)，茶葉較珍貴，茶香更清甘優雅，當中以「Dimbula 汀普拉」最出名，茶葉呈出清爽、明亮，帶茉莉花香同柏樹嘅獨特清香；仲有「UVA 烏巴」，茶韻甘甜、木質調帶薄荷香。其餘產區有「Nuwara-Eliya 努瓦勒埃利耶」同「Uda Pussellawa 烏達 普塞拉瓦」。

跟住係中海拔產區 (600–1,200 m)嘅 「Kandy 康堤」，口感較濃厚飽滿； 最後係低海拔產區 (≤600 m) ，嘅「Ruhuna 盧哈娜」同「Sabaragamuwa 薩伯 勒格穆沃」，風味豐富多樣。

了解多咗錫蘭紅茶，有冇即刻想飲返杯奶茶感受吓呢？下一集帶大家深入茶葉拼配秘密，🔔記得follow定啦！