[香港街頭小食]懷舊忌廉筒

早於五十年代面世的「懷舊忌廉筒」，是很多香港人的兒時必食甜點。外層酥皮似足一個金黃色雪糕筒，包著滿滿的厚忌廉，咸中帶甜的獨特配搭。脆皮、軟滑兼備，口感層次豐富，當然是即買即食最滋味！

啖啖滋味背後，亦是啖啖心機！小小一個忌廉筒，經過搓酥皮、摺皮、掃蛋漿、烘焗，出爐後放涼、脫模再擠滿忌廉等步驟，絕對是落足心機的「手工嘢」。工序繁複，製作時間長，難怪現已近乎失傳。
「懷舊忌廉筒」雖已買少見少，幸好仍能在少數舊式餅舖買得到。當中包括自1976年創立的荃灣麵包店 #泰興餅店，歷史悠久的老字號，現已由第三代負責人接捧。近年不時推出創新款式迎合大眾及市場口味，同時仍堅守傳統，保留「懷舊忌廉筒」作恆常產品，吸引一眾街坊支持。承傳港式風味，用心製作、充滿懷舊味道，的確值得我們珍惜，時時回味。

#香港情懷 #香記咖啡 #香記奶茶 #掛耳奶茶 #童年回憶 #童年 #集體回憶 #忌廉筒 #屋邨美食 #街坊情懷 #港式西餅 #麵包舖
—————————————
細味香港情懷．延續集體回憶