【茶餐廳最強師傅——「文武吧」】

原來茶餐廳仲有個位叫「文武吧」咁有型？點只名型，仲好強！

「武」，就緊係要識擸架生... 講緊識揸鑊鏟啫🍳，即係廚房工作；「文」，就係將港式奶茶沖出國際嘅水吧。本來就各司其職，但因為願意入行茶餐廳嘅人愈嚟愈少，缺少人手關係先演變需要一位文武雙全嘅「文武吧」師傅。 

所以見到去開嘅茶餐廳，有位師傅一腳踢曬廚房同水吧，咁佢就係「文武吧」！講開又講，作為茶記食客，你覺得自己係文定武呢：
☕文客，最鍾意慢慢歎杯奶茶～
🍛武客，一定要整碟食碟炒飯/麵！
☕🍛文武客，我全都要！

#香記茶緣 #茶緣 #香記 #香港情懷 #香記奶茶 #港式奶茶 #香港文化 #HKCG #hiangkietea #hiangkie #hongkongstylemilktea